आउँदो जेठ ३ गतेबाट देशभर प्रदर्शनमा आउन लागेको फिल्म ‘जात्रै जात्रा’ को दोस्रो गीत सार्वजनिक भएको छ । ‘माया पिरती’ बोलको गीतले फिल्मको लोभलाग्दो हाइप निर्माण गरिरहेको अवस्थामा निर्माण टिमले ‘जीवन जात्रा हो’ गीत सार्वजनिक गरेको हो । गीतमा गायन र संगीत कालीप्रसाद बाँस्कोटाको छ । गीतको शब्द अर्जुन भट्टराईले रचेका हुन् ।
 |
प्रविन सिंहको कोरियोग्राफी रहेको गीतको भिडियोमा फिल्मका लिड कलाकार विपिन कार्की, रविन्द्र झा र रविन्द्र सिंह बानियाँ फिचर्ड छन् । उनीहरुको दोस्तीयारी भिडियोमा निकै रमाइलो तरिकाले देखाइएको छ । सोझो र साधारण मानिसले भोग्ने भोगाईलाई गीतमा रोचक ढंगबाट प्रस्तुत गरिएको छ । गीतले पनि फिल्म कमेडीप्रधान रहेको प्रस्ट्याउँछ ।
प्रदिप भट्टराइको निर्देशनमा तयार भएको यो फिल्मका कार्यकारी निर्माता रविन्द्र सिंह बनियाँ हुन् । फिल्ममा यज्ञश्वर पौडेल र सिंगे लामाको लगानी छ । यस फिल्मको ट्रेलर वैशाख १३ गते सार्वजनिक हुँदैछ । यसमा दयाहाङ राई, बर्षा राउत, राजाराम पौडेलको पनि प्रमुख भूमिका छ । हिट फिल्म ‘जात्रा’ को सिक्वेल भएका कारण यो फिल्मप्रति दर्शकमा निकै ठूलो अपेक्षा छ ।
यस फिल्ममा प्रकाश घिमिरे, अञ्जु महर्जन, सोहित मानन्धर, सुस्मिता कार्की, प्रेम पाण्डे, प्रियंका झालगायतका कलाकारहरुको पनि अभिनय छ । मित्र डि. गुरुङको सम्पादन रहेको फिल्मलाई शिवराम श्रेष्ठले खिचेका हुन् । यसमा शंकर महर्जन द्वन्द्व निर्देशन छ । निर्देशक भट्टराई आफैंको कथा रहेको फिल्ममा कालीप्रसाद बाँस्कोटा र कृष्ण भारद्वाजको संगीत छ ।
गीत हेर्नुहोस् :-
No comments:
Post a Comment