अभिनेत्री रेखा थापाले निर्माण गर्ने नयाँ फिल्ममा तीन कलाकारको अभिनयको प्रतिस्पर्धा हुने भएको छ । अभिनेता सौगात मल्ल अनि दयाहाङ राईसँग टिमअप गरेकी रेखाले फिल्ममा तीन कलाकारको अभिनयको प्रतिस्पर्धा हुने बताएकी हुन् । एक्सनप्रधान फिल्मलाई सबीर श्रेष्ठले निर्देशन गर्ने भएका छन्। फिल्ममाजगदीश्वरथापाको कथा रहने बताइएको छ। यसअघि अभिनेत्री थापाले कोरियोग्राफर/निर्देशक रेनशा बान्तवा राईसँग फिल्म गर्ने घोषणा गरेकी थिइन्। रेनशासँगको सहकार्यपछि मात्रै यो फिल्म निर्माणमा जानेछ।
रेखाले आफूलाई लामो समयदेखि यी दुई अभिनेतासँग काम गर्ने रहर भएको तर समय नजुटेको पनि बताइन्। यसपाली भने तीनैजनाको समय जुरेको देखिन्छ। स्क्रिप्टले नै अभिनयमा अब्बल कलाकार खोजेपछि यो टिम बन्न पुगेको रेखा बताउँछिन्।
’यो स्क्रिप्टको डिमान्ड हो । हामीलाई एकदमै राम्रो अभिनय गर्ने कलाकारको आवश्यकता थियो । स्टोरीअनुसार उनीहरु नै चाहियो। धेरै अघिदेखि उनीहरुसँग टिमअप गर्ने मन थियो,’ उनले भनिन्।
आफ्ना लागि पुराना कलाकारको जोडी नसुहाउने भएकाले दया र सौगातसँग जोडिएको उनले बताइन्। ’तीनजना कलाकारको कम्पिटिसन हुन्छ भनौं न। रमाइलो हुन्छ। तीनैजना खारिएका कलाकार एउटै पर्दामा देखिँदा कस्तो होला ?’ उनले भनिन्।
No comments:
Post a Comment