Filmy Beats Tv / Kathmandu केही समय अगाडि इन्गेजमेन्ट गरेका नायक आयुष्मान देशराज जोशी र नायिका प्रियंका कार्कीले काठमाण्डौमा फेरि औठी साटेका छन् । काठमाण्डौको द्धारिका होटलमा सिमित चलचित्रकर्मी र आफन्तलाई उनीहरुले स्वागत गरेका हुन् । यसअघि पारिवारिक जमघटमा इन्गेजमेन्ट गरेका उनीहरुले आज भने केही चलचित्रकर्मीलाई पनि स्वागत गरेका छन् । सो समारोहमा पुगेका चलचित्रकर्मीले उनीहरुलाई वधाई तथा शुभकामना दिएका थिए ।
द्धारिका होटलमा आयोजना भएको जमघटमा प्रियंका र आयुष्मान निकट मानिने चलचित्रकर्मी र केही आफन्त मात्र थियो । संचारमाध्यमलाई सो समारोहमा प्रवेश दिइएको थिएन । निर्देशक दीपाश्री निरौला, निश्चल बस्नेत, नायिकाद्धय बर्षा राउत र स्वस्तिमा खड्का, निर्माता तथा कलाकार दिपकराज गिरी, कलाकार संजोग कोइराला, कोरियोग्राफर कविराज गहतराज सो समारोहमा उपस्थित छन् । उनीहरुले अर्को बर्ष बिहे गर्ने बताउँदै आएका छन् ।
No comments:
Post a Comment